E kuater organisashonnan Bureau Voogdijraad, AJJC, GVI i Slachtofferhulp a uni forsa bou di un dak pa optimalisá e servisio na nan klientenan di un forma mas efisiente. E organisashon nobo akí, ta karga e nòmber: Kuido Hudisial (‘Justitiële Zorg’).
Kuido Hudisial ta atendé ku i protehá tur derecho di mucha stipulá den ‘Tratado di Derecho di Mucha’. Kuido Hudisial ta brinda trayekto di resosialisashon na mucha i hóben, i ta duna guia na e sistema di famia. Tambe e organisashon ta duna guia na famianan ku a bira víktima di violensia.
Kuido Hudisial tin tambe komo tarea pa duna konseho tokante alimentashon di menornan i fasilitá e kobransa i pago di alimentashon serka mayornan.
Vishon
Kuido Hudisial ta un organisashon di profeshonalnan ku pashon pa duna guia i fortifiká e sistema di famia. E profeshonalnan ta pensa i aktua na interes di nan kliente i ta duna servisio transparente.
Mishon
Brinda seguridat na famia den un forma ku nan ta desaroyá abilidatnan pa ta resistente durante kontratempu.
Tareanan prinsipal:
ProteháMi
Un sentral pa pidi konseho òf mèldu kasonan di violensia doméstiko i tambe maltrato di mucha. Suidadano i tambe profeshonal por hasi uzo di e servisio akí.
Kontakto di ProteháMi
Kontakto Kuido Hudisial
Orario di ofisina:
