Ministerio di Hustisia

Voogdijraad

Voogdijraad ta forma parti di e kadena hudisial na Kòrsou.

E organisashon ta atendé ku i protehá tur derechi di mucha stipulá den Tratado di derechi di Mucha. Voogdijraad ta kumpli ku e tareanan ku lei ta asigná na dje pa atendé ku interes di mucha entre 0 i 18 aña i pa protehá nan ora nan desaroyo ta na peliger. E interes di mucha ta sentral den tur trabou di Voogdijraad.

Vishon

Voogdijraad ta pensa i aktuá semper na interes di e mucha. E organisashon ta aksesibel i transparente. E ta aktua konforme métodonan stipulá, ta profeshonal, respetuoso,  e ta traha ophetivamente i ta dirigí riba mehorashon di e forsa di famia.

Mishon

Voogdijraad ta enfatisá desaroyo sano di mucha i nan seguridat na Kòrsou. Si e seguridat ta na peliger, Voogdijraad ta organisá e esfuerso korekto pa sostené i protehá mucha. Nos ta hasi esei huntu ku e mayornan òf hende ku ta kuida e muchanan, e ret sosial i nos partnernan.

E tareanan núkleo di Voogdijraad Kòrsou ta:

• Centraal Meldpunt Kindermishandeling i investigashon den  maltrato di mucha;
• Mediashon den kontakto entre mayor i yu;
• Investigashon den protekshon di mucha;
• Investigashon di i konseho tokante di poder i asuntu di kontakto;
• Asuntu di outoridat i outoridat temporal;
• Adopshon;
• Realisashon i pago di alimentashon pa mucha;
• Investigashon penal menornan di edat 12-18 aña;

• Centraal Meldpunt Kindermishandeling
• Kehonan
• Servisio di Voogdijraad

Kontakto

Nos informashon di kontakto ta:

CMK tel. 4616500

Email: cmk@voogdijraadcur.net

Voogdijraad tel. 4616166

Email: info@voogdijraadcur.net

Bo por bishitá nos djaluna te ku djárason di 8 pa 10 or.

E adrès di nos ofisina ta Waaigat 1.