Anunsio: Kambio di Lokalidat pa Skolnan Helfrich-Krijt i VSBO Gouv. Lauffer
Publiká riba 22 Ougùstùs 2019
ATENSHON
Servisio di Skolnan Públiko ta informá ku ta hasi kambio di lokalidat na e siguiente skolnan: Skol di Fundeshi Helfrich-Krijt i Gouverneur Lauffer VSBO. Esaki ta pa motibu di trabounan di mantenshon grandi na e skolnan.
E kambionan ta ku:
- Alumnonan di grupo 2C di Helfrich-Krijtschool ta bai entrante djabièrnè 23 ougùstùs 2019 na lokalidat di Stichting Jeugdcentrum Monte Carmelo, Punta Cardonweg 72 (patras di vèlt di Suffisant);
- Alumnonan di fundeshi di Helfrich-Krijtschool grupo 1 i 2 ta kuminsá djabièrnè 23 di ougùstùs 2019 na lokalidat di Stella Maris College na Garipitoweg 19, (Kaya Edward Plaate);
- Alumnonan di Gouverneur J.R. Lauffer VSBO a kuminsá for di 21 di ougùstùs 2019 na lokalidat di SBO Nilda Pinto – dependance Brievengat (antes FEFFIK), Kaya Horacio Sprock # 4;
- Alumnonan di grupo 3 te ku 8 ta keda na lokalidat di Stichting Jeugdcentrum Monte Carmelo, Punta Cardonweg 72 (patras di vèlt di Suffisant) konforme komunikado anterior di 14 di ougùstùs 2019.
Nos ta pidi nos diskulpa pa e inkombeniensia.
—
Sr. Wladimir Kleinmoedig
Direktor di Sektor di Enseñansa & Siensia
Ministerio di Enseñansa, Siensia, Kultura & Deporte
Pa ‘download’ e komunikado por klik aki: Komunikado relashoná ku Kambio di Lokalidat di skolnan Helfrich-Krijt i Gouverneur Lauffer VSBO