Publiká riba 11 Desèmber 2018
Willemstad/Philipsburg – Den kuadro di e di 4 ronda di evaluashon di Caribbean Financial Action Task Force (CFATF), CFATF a organisá un serié di treining siman pasá na Renaissance Hotel naKòrsou, titulá ‘Pre-Assessment Training‘ pa tantu sektor públiko komo privá di Kòrsou, Aruba, Sint Maarten i Sürnam.
Representantenan di Centrale Bank van Curaçao en Sint Maarten, Financial Intelligence Unit, outoridatnan di e industria di gaming, duana i hustisia
for di Kòrsou, Aruba, Sint Maarten i Surnam a asistí na e treining riba 5 i 6 di desèmber último pa prepará nan mes riba evaluashon benidero di parti
di CFATF tokante akshon di e paisnan pa kombatí labamentu di plaka i lucha kontra finansiamentu di terorismo. Djabièrne último a toka turno na sektor privá.
E evaluashon di parti di CFATF lo tuma lugá na Kòrsou na aña 2022. Evaluashonan di Sint Maarten i tambe Aruba i Surnam ta planeá respektivamente pa 2023 i 2020.
Minister di Finansa señor Kenneth Gijsbertha a yama bon biní na e delegashon i a elaborá riba e ehekushon di e evaluashon nashonal di riesgo den sektor finansiero aki na Kòrsou. Minister Gijsbertha tin tur konfiansa ku e informashon brindá durante di e treining lo tin un balor kuantioso pa e proseso di evaluashon pa e paisnan Hulandes.
