Notisia

Willemstad – Resientemente, un delegashon gubernamental di Kòrsou a reuní ku e ‘Cyber Taskforce’ di Ministerio di Asuntunan Interior i di Reino (BZK) na Hulanda. Meta di esaki tabata Kòrsou haña un bista kiko e ‘Cyber TaskForce’ su tareanan ta.

‘Cyber TaskForce’ di BZK resientemente a djòin e ‘Latin America and Caribbean Cyber Competence Centre’ (LAC4), i nan ta traha hopi huntu ku Global Forum on Cyber Expertise (GFCE). Kòrsou tambe a bira miembro di GFCE i a evaluá e posibilidat pa Kòrsou tambe komo miembro partisipá den e delegashon di Reino Hulandes na e kongreso di RSA den aprel na San Francisco.  RSA ta un término usa pa seguridat di transferensia di data.

E delegashon gubernamental di Kòrsou a konsistí di:

1. Sekretario General SG di Ministerio Tráfiko, Transporte i Planifikashon Urbano Sr. ir. D. Puriel,
2. Hefe di Gabinete di Minister Cooper, Sra. mr. I. Pikerie, i
3. Hefe di CARICERT, Sra. drs. E. Martis.

Pa ku e Cyber TaskForce tabata presente:

• Matthijs Binnema, tratadonan,
• Maartje Peters,
• Jacob-Peppijn, asuntunan di internèt,
• Maaike Stroeks, asuntunan sibernétiko,
• Bram Pikkemaat (stagaire).

CyberTaskForce ta atendé ku entre otro asuntu di leinan internashonal riba e tereno sibernétiko. Nan ta enfoká riba un espasio sibernétiko ku ta habri, liber, i sigur. Nan ta hasi esaki atraves di 3 pila:

1. Reakshoná diplomatikamente kontra komportashon no deseá den e espasio sibernétiko,
2. Leinan internashonal i protekshon di derechinan humano, tantu ‘offline’ komo ‘online’,
3. Traha ku diferente grupo di interes.

MAS NOTISIA

Ministerio konserní: Tráfiko, Transporte i Planifikashon Urbano