Publiká riba 22 Desèmber 2018
Willemstad, 22 di desèmber 2018
PROMÉ MINISTER EUGENE RHUGGENAATH, NA NÒMBER DI GOBIÈRNU DI KÒRSOU, TA DESEÁ UN I TUR UN FELIS PASKU I PRÓSPERO AÑA NOBO
Kerido komunidat di Kòrsou,
Permití mi kompartí e mihó deseonan pa e temporada di Pasku i e aña nobo. Nos a drenta temporada di fiesta, dornando nos siudat, kantor i kas ku lus, yenando nos kurason i bida ku speransa. Nos ta kompartí positivísmo i alegria ku otro, reflehá riba logronan tras di lomba i prepará pa retonan nos dilanti.
Ta awe nos ta planta e simianan, pa por kosechá mañan. Ta huntu nos ta forma nos komunidat i ta na kada un di nos pa traha dediká, na un forma integro i ku e deseo pa huntu nos bai dilanti.
Mi deseo ta pa kada un di nos gosa di un temporada di berdadero pas i trankilidat. I ku esaki lo vibra ora nos topa otro, dunando balor na e momentonan festivo aki ku nos famia, amigunan i koleganan. Pa por kompartí i pasa tempu #HUNTU ku nos sernan kerí, ta esei ta loke berdaderamente ta konta.
Mi ke deseá tur siudadano, na nòmber di Gobièrnu di Kòrsou, un felis Pasku i un próspero aña 2019.
Kordialmente,
Eugene Rhuggenaath
Promé Minister di Kòrsou
