Dunadó di trabou ta obligá pa brinda empleadonan sufisiente tempu pa vota - Informashon tokante Gobièrnu di Kòrsou Bo opinion

Notisia

Dunadó di trabou ta obligá pa brinda empleadonan sufisiente tempu pa vota

Geplaatst op 07 March 2021 dor di Ministerio Desaroyo Sosial, Labor i Bienestar

WIILEMSTAD – En konekshon ku elekshon di Parlamento di Kòrsou riba djabièrnè 19 di Mart 2021 próksimo, e dunadó di trabou tin e obligashon di duna su trahadó ku tin derechi di vota por lo ménos kuater ora konsekutivo liber di trabou ku mantenshon di salario. Esaki a ménos ku e trahadó di un òf otro manera ya tin kuater ora konsekutivo liber kaba durante e oranan ku por vota (8.00 – 19.00’or) E obligashon akí ta basá riba art. 43 di e reglamento di Votashon di Kòrsou (P.B. 2021 no. 21/035) huntu ku art. 1614C di Kódigo Sivil.

Instituto médiko, di kuido i/òf atenshon mester duna na e persona ku ta interná den e establesimentu menshoná, ku e tin e derecho pa partisipá na elekshon i oportunidat pa hasi esaki. E obligashon akí ta basá riba art. 44 di e reglamento di Votashon di Kòrsou (P.B. 2021 no. 21/035).

Konforme art. 132 di reglamento di Votashon di Kòrsou por kastigá no kumplimentu ku e obligashon ariba menshoná ku enkarselamentu den prizòn di maksimal un luna òf un but di maksimal mil florin.

Primi riba e lenk aki i haña tur detaye di e anunsio di Sektor di Labor.

Ministerio konserní