Entrega sertifikado na kompania di aviashon EZ-Air - Informashon tokante Gobièrnu di Kòrsou Bo opinion

Notisia

Entrega sertifikado na kompania di aviashon EZ-Air

Geplaatst op 10 October 2021 dor di Ministerio Tráfiko, Transporte i Planifikashon Urbano

WILLEMSTAD – Djaweps último Minister di Tráfiko, Transporte i Planifikashon Urbano sr. Charles Cooper, a entregá sertifikado na e kompania di aviashon EZ-Air ku ta duna e kompania e outorisashon di por bula e tipo di avion nobo, e SAAB 340, den flota di EZ Air. Lo hasi uso di e tipo di avionnan SAAB 340 pa realisá buelonan komersial di i pa Kòrsou. 

Ku entrega di e sertifikado ta klousurá un proseso di sertifikashon di algun luna realisá pa e Outoridat di Aviashon Sivil di Kòrsou, CCAA. E avion SAAB 340 ta mas grandi ku esnan ku EZ-Air ta operando aktualmente, e Beechcraft 1900, i nan por transportá un kantidat máksimo di 34 pasahero. Esaki ta kasi dòbel e kapasidat di e Beechcraft 1900. E espektativa ta ku promé ku fin di aña EZ-Air lo ópera 2 di e avionnan tipo SAAB 340.

Riba foto:
Minister di Tráfiko, Transporte i Planifikashon Urbano sr. Charles Cooper ta hasi entrega di e sertifikado na sra. Suyenne Dammerman di e kompania di aviashon Ez-Air.

Ministerio konserní