Kòrsou lo no akordá uso di su teritorio pa intervenshon militar na Venezuela - Informashon tokante Gobièrnu di Kòrsou Bo opinion

Notisia

Kòrsou lo no akordá uso di su teritorio pa intervenshon militar na Venezuela

Geplaatst op 29 March 2019 dor di Ministerio Asuntunan General i Promé Minister

WILLEMSTAD- Resientemente Kòrsou a firma un tratado na nòmber di Reino Hulandes ku Merka, ku ta deliniá e kondishonnan bou di kual Kòrsou lo funshoná komo un hub logístiko pa ayudo humanitario for di Merka pa Venezuela.

E tratado ta spesifiká klaramente e kondishonnan bou di kual Kòrsou lo funshoná komo un hub humanitario, manera palabrá den Gobièrnu di Kòrsou i Parlamento di Kòrsou. Un di e kondishonnan prinsipal ta trata di e eksigensia ku solamente rekursonan sivil por ser usá pa transportá produktonan humanitario. Un otro artíkulo den e tratado ta stipulá ku si motibunan logístiko ta rekerí un eksonerashon, otro propiedatnan pa transporte por ser usá solamente despues di aprobashon di Reino Hulandes, ku por ser duná solamente despues di aprobashon di antemano di Promé Minister di Kòrsou. Gobièrnu di Kòrsou lo no outorisá uso di su teritorio pa akshon militar di Merka na Venezuela.

Gobièrnu di Kòrsou ta enfatisá ku e úniko meta di e ròl di Kòrsou komo hub humanitario ta pa yuda aliviá e situashon serio di e poblashon di Venezuela.   

Lesa e komunikado aki na Ingles.

Ministerio konserní