Seshonnan pa pueblo di Kòrsou: E bario di bo soño! - Informashon tokante Gobièrnu di Kòrsou Bo opinion

Notisia

Seshonnan pa pueblo di Kòrsou: E bario di bo soño!

Geplaatst op 06 September 2017 dor di Ministerio Tráfiko, Transporte i Planifikashon Urbano

Willemstad – Kon e bario di nos soño ta? Kiko ta kosnan ku nos barionan tin mester? Ban papia tokante e barionan ku nos tin mester. Ministerio di Tráfiko, Transporte i Planifikashon Urbano (VVRP) huntu ku UNOPS ta invitá habitantenan di Kòrsou pa 3 enkuentro pa huntu nos diskutí riba un vishon pa nos pais, spesífikamente pa nos barionan. Esaki ta den kuadro di e trayekto di Nashonnan Uní (UN) konosí komo ‘the New Urban Agenda’.

 

Ta bai tin 3 seshon pa habitantenan.

  • Pa e área di Pariba lo tin un seshon riba djaluna dia 11 di sèptèmber kuminsando mitar di 7 (6.30pm) na Sentro di Bario Montaña.
  • Pa e área di Pabou lo tin seshon riba djamars, 12 di sèptèmber pa mitar di 7 (6.30pm) na Credit Union San Pedro (Sumbu 7A).
  • Pa e área di Mei-Mei lo tin e seshon riba djaweps, dia 14 di sèptèmber for di 7.15pm na Sentro di Bario Otrobanda.

 

Ku e trayekto aki, Gobièrnu di Kòrsou ta den proseso pa krea un plataforma pa, huntu ku diferente grupo di interes, yega na un struktura pa promové nos kalidat di bida, kambio di mentalidat, bienestar i desaroyo di barionan en general.

 

Tur habitante di Kòrsou ta bon bini! Pa mas informashon por tuma kontakto ku nos via di number di telefon +5999 511 8582, via di e-mail info.vvrp@gobiernu.cw òf por bishita nos página di facebook Ministerio di Tráfiko, Transporte i Planifikashon Urbano. 

Ministerio konserní