Tur bendedó ambulante mester ta disponé di un ventvergunning bálido - Informashon tokante Gobièrnu di Kòrsou Bo opinion

Notisia

Tur bendedó ambulante mester ta disponé di un ventvergunning bálido

Geplaatst op 07 September 2021 dor di Ministerio Desaroyo Ekonómiko

Willemstad- Ministerio di Desaroyo Ekonómiko (MEO) a konstatá últimamente un oumento den personanan ku ta bende kos di forma ambulante sin ta disponé di e pèrmitnan nesesario.

Meskos ku ta e kaso serka personanan ku tin un establesimentu i esnan ku tin un stènt pa bende kos kantu di kaya, personanan ku ta bende produkto di forma ambulante tambe mester ta disponé di un pèrmit bálido pa por hasi esaki. Den e kaso akí ta trata di un ventvergunning. E ventvergunning ta aplikabel por ehèmpel pa personanan ku ta bende produkto den nan baul di outo òf riba baiskel, personanan ku ta bende produkto na lusnan di tráfiko, esnan ku ta  bende produkto na pia òf ku un garoshi.

Un apelashon ta bai na tur persona ku ta bende kos di forma ambulante, pa regla nan pèrmit di moda ku esaki no ta bira un problema na momentu di kontrol dor di Inspekshon Ekonómiko di MEO.

Pa hasi petishon pa un ventvergunning, mester aserká Lokèt di Pèrmit durante oranan di ofisina na Saliña 127 (Eurobuilding Unit 3-8) pegá ku Subway òf por hasi petishon via mail na intake.vergunningenloket@gobiernu.cw. Lokèt di Pèrmit ta tene kuenta ku tur protokòl vigente den kuadro di COVID-19 na momentu ku un persona opta pa bishitá e ofisina.

Pa personanan ku ya tin un ventvergunning na òrdu, un rekordatorio pa semper tin esaki huntu kubo na momentu ku bo ta trahando. Esaki, pa evitá kualke situashon inkómodo na momentu di kontrol.

Ministerio konserní