Notisia

Reglanan vigente pa limitá transmishon di COVID-19 ta pone ku Sektor di Labor lo atendé kliente solamente ku sita. Esaki pa evitá aglomerashon grandi di hende den nos edifisio. Medidanan di gobièrnu i di seguridat ta enserá ku mester kumpli ku aspektonan di higiena i mantené distansia sosial.

SOAW lo tuma 2 tipo di petishon den tratamentu. 1. Ekstenshon di pèrmit di trabou. Esaki ta pa instansianan ku tin un pèrmit ku tei kaduká i ke pidi pa alargá/ekstendé e pèrmit di trabou ku nan a haña pa empleá un ekstranhero. 2. Petishonnan pa ekstranheronan pa kual un kompania o persona natural ta hasí petishon pa di promé biaha.

E medidanan menshoná abou lo ta vigente pa tur Kas di Bario di Ministerio di Desaroyo Sosial, Labor i Bienestar (SOAW) te un próksimo aviso.