<\/div>WILLEMSTAD – Djaluna, dia 15 di mart, a tuma lug\u00e1 lansamentu ofisial di \u2018Cura\u00e7ao Export Council\u2019 (CEC). \u2018Curacao Export Council\u2019 ta e struktura ku pr\u00f3ksimamente ta bai karga desaroyo i implementashon di e Strategia Nashonal di Eksportashon di K\u00f2rsou, pero tambe ta traha riba kompetitividat, mehorashon di e klima di invershon i e klima empresarial na K\u00f2rsou. Minister Steven Martina, komo presidente di \u2018Cura\u00e7ao Export Council\u2019, a dirig\u00ed e reunion di dia 15 di mart \u00faltimo kaminda e lansamentu a tuma lug\u00e1. E reunion ak\u00ed a konta ku partisipashon di funshonarionan di \u2018International Trade Centre\u2019 (ITC) for di Ginebra, Suisa i representantenan di tantu sektor p\u00fabliko komo sektor priv\u00e1 di K\u00f2rsou. Konsiderando e oumento di kasonan di COVID-19 na K\u00f2rsou durante e \u00faltimo dianan, MEO a opta pa tene e lansamentu ak\u00ed di un forma virtual.<\/p>\n
E \u2018Cura\u00e7ao Export Council\u2019 a keda institu\u00ed komo un kuerpo di maneho pa guia den implementashon di e Strategia Nashonal di Eksportashon i tambe di un forma kolektivo i inklusivo traha riba mehor\u00e1 kompetitividat i guia e reformanan ku ainda tin ku tuma lug\u00e1 den e kuadro ak\u00cd. \u2018Cura\u00e7ao Export Council\u2019 ta un di e akshonnan konkreto ku a result\u00e1 for di e \u2018Strategic Trade Development Roadmap\u2019 ku a keda aprob\u00e1 pa Konseho di Minister dia 22 di aprel 2020 i ku aktualmente ta den pleno implementashon.<\/p>\n
\u201cE \u2018Curacao Export Council\u2019 no ta un \u201ctalk shop\u201d, pero el lo ta un organisashon ku ta konstantemente den akshon pa por logra e metanan propon\u00e9 den e Strategia Nashonal di Eksportashon\u201d, Minister di Desaroyo Ekon\u00f3miko Dr. Steven Martina a indik\u00e1.<\/p>\n
\u2018Curacao Export Council\u2019 ta konsist\u00ed di un \u2018steering committee\u2018 ku na e momentu ak\u00ed ta e diferente ministernan huntu ku nan respektivo ministerionan. Minister di Desaroyo Ekon\u00f3miko ta presidente di e \u2018Cura\u00e7ao Export Council\u2019. Ademas tin un sekretariado ku ta konsist\u00ed di funshonarionan di e Sektor di Relashonnan Ekon\u00f3miko Internashonal di MEO fortifik\u00e1 ku funshonarionan di e otro sektornan di MEO, pero tambe representantenan di CTB, KvK i Cinex.
\nHuntu ku e lansamentu di e \u2018Cura\u00e7ao Export Council\u2019, algun akshon konkreto tambe a keda disid\u00ed na final di e reunion di djaluna \u00faltimo. E akshonnan ak\u00ed na nan turno lo mehor\u00e1 e kompetitividat i fasilit\u00e1 hasimentu di negoshi na K\u00f2rsou.<\/p>\n
E prom\u00e9 temanan ku \u2018Cura\u00e7ao Export Council\u2019 ta bai atend\u00e9 i solushon\u00e1 ta
\nhabrimentu di un kuenta bankario;
\np\u00e8rmitnan di trabou pa ekspertonan;
\ne-payments pa stimul\u00e1 e-commerce;
\nregistrashon di empresa;
\nkostonan di elektrisidat;
\nkosto i kalidat di Internet;
\nkolekshon di data i;
\npropiedat intelektual di empresanan.
\n\u2018Cura\u00e7ao Export Council\u2019 su enfoke ta pa sigui traha riba mehorashon di e ambiente pa hasi negoshi na K\u00f2rsou. Den kuadro di esaki, MEO lo sigui stimul\u00e1 mas partisipashon di sektor p\u00fabliko, priv\u00e1 i tambe di komunidat!<\/p>\n
<\/div>