Bon Bini na Kampionnan di Karibe di Little League 2023

WILLEMSTAD – Nos kampionnan a yega Kòrsou i nan a keda risibí pa Minister di Enseñansa, Siensia, Kultura i Deporte (ESKD) sr. Sithree van Heydoorn na Aeropuerto awe mainta.

Liga Pabou a partisipá na e kampionato internashonal di Little League Baseball na Puerto Rico i a titulá: “Caribbean Little League Baseball Champion 2023”. Nan a sa di representá nos dignamente den e kampionato i gana tur e 6 partidonan. Pues nos kampionnan ta invikto. Awor nan ta bai representá Karibe den Little League World Series na Williamsport.

Un gradisimentu speshal na Promé Minister sr. Gilmar Pisas pa tur su esfuerso pa henter e delegashon por a yega bèk awe mainta. Minister enkargá ku deporte ta yama nos hóbennan danki i felisitá nan ku e tremendo logro aki.
—
Sithree van Heydoorn
Minister di ESKD

** riba e potrètnan athunto por tuma nota di e yegada. Pa mas potrèt por bishitá aki: Yegada Kampionnan.