Publiká riba 26 Sèptèmber 2022
Willemstad –Promé Minister sr. Gilmar Pisas a hiba diferente kombersashon durante su estadia na New York.
Promé Minister sr. Pisas a hiba kombersashon ku e Presidente di Sürnam sr. Chandrikapersad Santokhi.Den e kombersashon aki a elaborá riba e.o. Caricom, Gas i Petroli, Turismo, Agrikultura, Peska, fortifikashon di e koperashon i komunikashon entre Sürnam i Kòrsou. https://we.tl/t-Zs6SbvgYJR (Presidente di Sürnam)
Promé Minister a hiba kombersashon tambe ku e Minister di Asuntunan Eksterior i Caricom di Trinidad & Tobago dr. Amery Browne. Durante di e kombersashon aki a elaborá riba e.o. Refineria, imigrantenan di Venezuela i Caricom. https://we.tl/t-ljgxnPWoeF (Minister of Foreign and Caricom Affairs Dr. Amery Browne from T&T)
Tabatin un kombersashon tambe entre Promé Minister sr. Pisas i e Minister di Asuntunan Eksterior di Guyana sr. Hugh Todd. Durante e kombersashon a papia tokante e.o. Turismo, Agrikultura, Petroli, Caricom i fortifikashon di kolaborashon i komunikashon entre Guyana i Kòrsou. https://we.tl/t-NszHbpu8Te
Promé Minister sr. Pisas tabatin kombersashon tambe entre e 4 Promé Minister den Reino, reunion ku e Sekretario General di Nashonnan Uní sr. António Guterres, i reunion ku e Sekretario athunto pa ku Asuntunan di Karibe i Haiti sra. Barbara Feinstein.
https://we.tl/t-dbGNhIWnhc (UNSG)
https://we.tl/t-Zq97Fq2LxJ (sra. Barbara Feinstein)
Por último Promé Minister sr. Pisas ku orguyo a presentá e instrumentonan di ratifikashon di Reino pa Kòrsou pa dos tratado importante. Un tabata tokante e prohibishon di “municio de racimo” (esaki ta e nòmber di e tratado na spañó) i un tokante di e lucha kontra prostitushon infantil.
Promé Minister sr. Pisas a hiba kombersashon tambe ku e organisashon di UN-OHRLLS (United Nations Office of the High Reoresentative for the Least Developed Countries, Landlocked Developing Countries and Small Island Developing States). Durante e kombersashon ku e Alto Representante di UN OHRLLS sra. Rabab Fatima, e paisnan Karibense den Reino ta papia tokante nan status komo estado insular chikí den desaroyo (SIDS), kon pa traha mas ku UN-OHRLLS pa haña mas fondo i asistensia tékniko, i kon e trayekto di e “Multidimensional Vulnerability Index” (MVI) lo kana.
https://we.tl/t-vZn3yxOyKV (UN-OHRLLS)
E biahe tabata unu ku hopi reunion i presentashon kaminda por a kosechá hopi informashon riba e parti di e.o. kambio klimatológiko, seguridat di kuminda, konservashon di oséano i aserkamentu ku diferente pais den nos Region.
