Promé Minister Gilmar Pisas huntu ku Minister Larmonie-Cecilia a reuní ku e sentralnan di sindikato i VBC
Publiká riba 19 Òktober 2021
Willemstad – Promé Minister Gilmar Pisas huntu ku Minister di Desaroyo Sosial, Labor i Bienestar Ruthmilda Larmonie-Cecilia, na nòmber di Gobièrnu di Kòrsou, a reuní ku e sentralnan di sindikato i VBC dia 19 di òktober 2021.
Esaki tabata e di kuater reunion ku ta tene ku e tres Sentralnan di Sindikato, Vereniging Bedrijfsleven Curaҫao (VBC) i Gobièrnu di Kòrsou ayera dia 2 di sèptèmber 2021.
E tres sentralnan di sindikato ta: Central General di Trahadonan di Kòrsou (CGTC), Sentral di Sindikatonan di Kòrsou (SSK) i Sentral Solidaridat Sindikal (SSS).
Durante di e reunion aki a trata e siguiente puntonan: Struktura di e Plataforma i e status di e proseso rondo di Refineria.
E reunion a kana den un bon esfera kaminda tabatin espasio amplio pa kada partido por a dialogá i kompartí informashon ku otro riba e puntonan ku a bini dilanti.
