Trabounan di mantenshon riba Saturnusstraat - Informashon tokante Gobièrnu di Kòrsou

Trabounan di mantenshon riba Saturnusstraat

Ministerio konserní Tráfiko, Transporte i Planifikashon Urbano
 

Trabounan di mantenshon riba Saturnusstraat

Publiká riba 23 Sèptèmber 2022

Willemstad – Minister Charles Cooper huntu ku Servisio pa Obra Públiko (OW) ta informá ku trabounan di mantenshon ta bai kuminsa riba Saturnusstraat for di ròtònde Janwe te ku Persuesweg.

Trabounan ta inisiá riba djaluna 26 di sèptèmber 2022 i lo tin un durashon di mas o menos 2 siman. E kontratista MNO Vervat lo drecha Saturnusstraat mirando ku esaki ta den un mal estado.

Durante ehekushon di e trabounan, lo sera Saturnustraat kompletamente pa tráfiko, i lo tin rutanan alternativo. Habitantenan i komersiantenan so por yega na nan kas òf establesementu.

OW ta pidi pa tur outomobilista kore ku koutela i ta gradisí adelantá pa e komprenshon.