Refineria - Informashon tokante Gobièrnu di Kòrsou

Refineria

E refineria na Kòrsou ta será pa 2 aña kaba. E negosashonnan ku un operadó nobo pa kuminsá di nobo ta kanando.
Esaki ta un lugá sentral pa tur informashon tokante di e transishon pa un operadó nobo di e refineria. E balansa entre aspektonan ekonómiko, sosial i medio ambiente ta sentral pa loke ta reanudashon di e refineria. Refineria Den Transishon!

Komparti bo opinion i yena e ekuesta!

E Tres Pilarnan

Ekonomia

E komienso nobo di refineria lo tin algun benifisio ekonómiko. Asina MEO ta prediká un kresementu di 5% di entrada fiskal pa gobièrnu…

Sosial

E komienso di e refineria lo tin un impakto supstansial riba sosiedat di Kòrsou.  Aspektonan sosial ku ta di importansia…

Medio Ambiente

Diferente aspekto di medio ambiente ta importante pa un transishon responsabel pa un operadó nobo. Pues, e operadó nobo mester kuminsá ku un…

Factsheet: Un Komienso Nobo

E refineria ta den un fase di transishon kaminda ku mester logra yega na un balansa entre ekonomia, sosiedat i medio ambiente pa un komienso nobo. Klek pa download ‘Factsheet’ ku tur e puntonan ku huntu nos ke logra.

Preguntanan mas hasí

Kiko e transishon akí ta impliká?

Mester haña un balansa riba tereno di ekonomia, sosial i medio ambiente pa por realisá un transishon eksitoso. Ku otro palabra: Produsí di un forma optimal pero teniendo kuenta ku e aspektonan sosial i di medio ambiente. Algun resultadonan ku ta buska ta: 

  • Kresementu ekonómiko, mas trabou i entrada adishonal pa gobièrnu
  • Un komienso sigur di aktividatnan di negoshi i kalidat di airu aseptabel,
  • Pèrmitnan ku normanan di medio ambiente mas estrikto i un lei ambiental riba término largu
Dikon e transishon ta importante?

Na desèmber 2019, PDVSA a su kontrato komo operadó di refineria a terminá i a kuminsá ku un búskeda urgente pa un operadó nobo. Den desèmber 2020 a skohe CORC komo e “bidder” preferí. Un komienso sostenibel i responsabel di e refineria ta fundamental pa e transishon na e operadó nobo.

Kon e proseso di transishon ta kana?

Na e momentunan akí ta negoshando ku CORC. E palabrashonnan ta kedá tradusí den un akuerdo di gobernashon. Un akuerdo temporal entre CORC i RDK a keda firmá na mei 2021.

Operadó nobo: Tur kos ta keda meskos?

Gobièrnu di Kòrsou ta para responsabel pa e komienso nobo di refineria. Esaki ta nifiká ku el lo ta un pilar ekonómiko importante, kaminda alabes ta tene kuenta ku medio ambiente, salú i seguridat di e habitantenan di Kòrsou.

Programma Mandaat Unit

Tarea di PMU (Programma Mandaat Unit) ta pa Gobièrnu bini ku resultadonan konkreto den kuadro di un transishon responsabel pa yega na un operadó nobo pa refineria.