Download – Checklist Registratie Accommodatie
Download – Registratieformulier Accommodatie
E sektor turístiko ta un pilar ekonómiko di sumo importansha, teniendo kuenta ku su kontribushon na desaroyo ekonómiko di nos pais. Turismo ta kontribuí positivamente na kuponan di trabou, reserva di divisa y tambe nos Produkto Bruto Interno. Den kuadro di esaki Ministerio Desaroyo Ekonómiko ta aspirá na sigui desaroyá e sektor turístiko ku e meta pa posishoná nos isla mas mihó ainda riba mapa internashonal y pa alsa e nivel di prosperidat di nos habitantenan.
Pa por sigui desaroyá e sektor turístiko den un forma duradero a fórmula un masterplan stratégiko pa e periodo di 2015-2020. E masterplan stratégiko pa turismo 2015-2020 ta deliñá e strategianan pa krese e kontribushon ekonómiko di e sektor turístiko. E implementashon di e masterplan stratégiko ta na enkargo di Curaçao Tourist Board.
Ministerio Desaroyo Ekonómiko den su afan pa sigui desaroyá e sektor turístiko ta reserva anual mente un montante di NAf. 30.7 mion riba su presupuesto pa e sektor turístiko. E montante aki ta keda komplementá ku e entradanan ku risibí di impuesto di benta (“omzetbelasting”) komo resultado di hürmentu di kamber di hotèl, apartamento y tambe bùngalo.
