Publiká riba 22 Mart 2020
Despues di a palabrá ku Gobièrnu di Kòrsou:
SUPERMERKADONAN KU MEDIDANAN ÈKSTRA DI PREKOUSHON
Willemstad – Hopi hende ta bishitá Supermerkadonan riba un eskala grandi pa asina nan por hasi nan kompranan esenshal. Esaki ta trese un rísiko pa tur persona presente ya ku esaki fasilmente ta pone ku e Corona Vírùs por keda plamá si resultá un hende por tin esaki. Teniendo kuenta ku sintimentu di tur persona ku mester hasi nan kompranan esenshal, sea pa nan mes òf pa otro persona, Gobièrnu di Kòrsou i Supermerkadonan, a yega na algun palabrashon tokante bishita na Supermerkadonan. Trahadónan di e Supermerkadonan i bishitantenan mester keda mas tantu posibel protehá kontra Corona Vírùs. Pa e motibu aki, Supermerkadonan tambe ta bai alsa e nivel di medidanan di prekoushon despues di a palabrá esaki ku Gobièrnu di Kòrsou. E medidanan aki mester kumpli ku e reglanan higiéniko i tambe e reglanan di distansha sosial/físiko i tin ku keda apliká mesora.
Ricardo de Freitas Representante di Supermerkadonan
E medidanan di prekoushon ta enserá ku:
Pa mas informashon riba e medidanan èkstra di prekoushon, por subi www.gobiernu.cw.
Gobièrnu tin tur komprenshon pa e situashon fèrfelu ku esaki por trese kuné i e úniko motibu pakiko ta hasi esaki, ta pasó tur hende mester keda protehá di e malesa Covid-19, mihó konosí komo Corona Vírùs.