Notisia

Willemstad – Resientemente Minister di Enseñansa, Kultura i Siensia di Hulanda, sra. Ingrid van Engelshoven a kontestá e karta di Minister di Enseñansa, Siensia, Kultura i Deporte sra. Marilyn Alcalá-Wallé den kua ta pidi atenshon pa e eksstudiantenan ku debe di estudio ku ta difikultá nan den nan bida diario.

Tumando nota di tur e kehonan e Minister di Hulanda ta manda un delegashon di DUO (Dienst Uitvoering Onderwijs) pa un tempu mas largu Kòrsou pa por brinda e sosten nesesario na esnan ku tin reto finansiero pa paga nan debe dj estudio bek. Minister Alcalá-Wallé ta hasi un petishon na tur eksstudiante pa tuma kontakto ku DUO na antillen@duo.nl pa traha un sita pa e ayudo nesesario. Alabes ta vai kuminsá ku un kampaña general di informashon na tur esnan enbolbí.

Banda di e trayekto aki ta importante pa informá komunidat ku hóbennan ku ta gana menos ku fl. 1550,00 pa luna ta keda eksonerá di pago di debe via di e deurwaarder. Ta bon pa tuma nota di e informashon aki. Finalmente Minister van Engelshoven a proponé pa pone e punto aki riba e siguiente “Vierlandenoverleg” pa sigui buska solushon duradero.

**Den e dokumentonan athunto por tuma nota di e karta di Minister di Hulanda sra. I.van Engelshoven.

*********************************

MAS NOTISIA

Ministerio konserní: Enseñansa, Siensia, Kultura & Deporte