Notisia

E delegashon di La Guajira ku a planea den promé instante pa yega Kòrsou dia 27 di aprel, den deliberashon ku Ministerio di Desaroyo Ekonómiko (MEO), Ministerio di Salubridat, Medio Ambiente & Naturalesa (GMN) i Ministerio di Enseñansa, Siensia, Kultura & Deporte/ESKD, a yega na palabrashon ku nan ta yega Kòrsou den di tres siman di mei próksimo.

E delegashon ta enkabesá pa e Gobernador di La Guajira sr. Wilson Rojas Vanegas.

Aktualmente tin un grupo di trabou gobernamental konsistiendo di MEO, GMN, ESKD i Departamentu di Asuntunan Eksterior/DBB ta trahando riba e bishita di trabou di e delegashon di La Guajira na Kòrsou. Keda pendiente pa mas informashon.

Sr. Wilson Rafael Rojas Vanegas, Gobernador enkargá de La Guajira

MAS NOTISIA

Ministerio konserní: Enseñansa, Siensia, Kultura & Deporte