Publiká riba 31 Yanüari 2019
Willemstad – Riba djabièrnè 1 di febrüari di 9or pa 11or di mainta, i djasabra 2 di febrüari di 7or pa 12or di mèrdia, Gorsiraweg lo ta inalkasabel. Esaki den kuadro di trabounan di asaltamentu. Ta pidi tur outomobilista pa tene debido kuenta ku esaki.
Servisio pa Obra Públiko (OW) ta traha huntu ku Departamentu di tráfiko di Kuerpo Polisial (KPC) pa yega na rutanan alternativo. Tambe ta sòru pa habitantenan i komersiantenan keda ku akseso na nan kas òf negoshi. OW i KPC ta pidi tur outomobilista pa sigui e indikashonnan i kore ku koutela.
OW ta gradisí komunidat adelantá pa e pasenshi i koperashon.
