Laga nos keda reflehá e dos simannan, ku riba dia 10 di dezèmber ta kulminá ku e konmemorashon di Dia Internashonal di Derecho Humano. Laga nos wak i sali pa nos derechonan i tambe kòrda riba derecho di e otronan i respetá nan.
Ban bista algu oranjo pa mustra solidaridat ku e hende muhé!
Durante mainta sra. Sigrid NG di e organisashon Soroptimist International Club Curaçao/ Stichting Alliansa a pasa na servisio i a entregá minister di Enseñansa, Siensia, Kultura i Deporte sra. Marilyn Alcalá-Wallé un makutu di flor oranjo ku e teksto “Stòp Violensia kontra Hende Muhé” ku e meta pa nos yuda konsientisá komunidat di Kòrsou riba e violensia ku ta tuma lugá kontra e hende muhé konstantemente den tur sorto di forma.
Minister Alcalá-Wallé a yama danki na sra. NG i a duna di konosé ku e tambe ta hasi su esfuerso pa lanta e konsiensia den komunidat riba e abusunan kontra di e hende muhé, ku ta sosodé den diferente forma.
Sra. Alcalá-Wallé a splika alabes kon e den su funshon di nandatario kontinuamente ta dil i soportá abusu verbal i mentira di funshonarionan haltu den komunidat ku mester duna otronan ehèmpel i tambe abusu pa motibu di lantamentu kontinuo di mentira pa daña imagen di hende i ta krea rabia inesesario kontra di e hende muhé.
Nashonban Uní a konstatá ku e abusu aki kontradi hende muhé ta un di e violashonnan mas oersisyente i de astafor den violashon di Derecho Humano i ta pidi tur komunidat pa kombatí esaki ku tur forsa. Ku un flor, sinta, bistí oranjo, nos tur por mustra solidaridat ku e hende muhé den e lucha pa stòp tur forma di abusu kontra di e hende muhé.
