Publiká riba 16 Novèmber 2022
Willemstad – Minister Charles Cooper huntu ku Sr. Franklin Sluis, Direktor di Bureau TeleCommunicatie en Post (BTP), a hasi un bishita na e Instituto Postal Dominicano (INPOSDOM) na Santo Domingo riba 15 di novèmber. Durante di e bishita, a topa ku Direktor General di INPOSDOM, Sr. Erick Alberto Guzmán Núñez.
Durante di e bishita, a interkambiá entre otro tokante e Servisio Postal Universal, i a pone enfasis riba temanan di komersio elektróniko, i servisio di koreo estilo giro.
Tambe a hasi un rekorido den e sentro di operashon di INPOSDOM, pa por a tuma nota di e diferente prosesonan ku ta usa pa paketá loke risibí den e sentro di operashon.
Minister Cooper a invitá e direktor general di INPOSDOM pa bishitá Kòrsou pa por tuma nota di nos ofisina di post.
