Publiká riba 15 Yüni 2023
Willemstad – Minister Charles Cooper huntu ku Servisio pa Planifikashon Urbano (ROP) a entregá un pèrmit di konstrukshon na Watapana N.V. pa konstrukshon di un “Bed & Breakfast” ku ta akapará 24 kamber.
Watapana ta situá na Berg Altena i e trabounan ta dura entre 10 pa 12 luna. E desaroyo aki ta konta ku un invershon total di 2 mion florin! E desaroyo aki ta kontribuí komo impulso ekonómiko grandi pa Kòrsou. E ta duna un impulso na ekonomia entre otro kreando alrededor di 40 kupo di trabou na momento di e konstrukshon!
Minister Charles Cooper ta hopi kontentu ku e desaroyonan aki, ya ku e ta ofresé pais un “boost” ekonómiko.
