Publiká riba 23 Febrüari 2024
Desishonnan relashoná spesífikamente ku asuntunan di pais riba nivel nashonal di djárason, 21 di febrüari 2024
1. Konseho tokante modifikashon di e Akuerdo di Banko Internashonal pa rekuperashon i Desaroyo (Wereldbank/IBRD) pa minister Plenipotensario. (Minister di asuntunan general)
Konseho di Minister a bai di akuerdo ku konfirmashon di e desishonnan tumá riba 15 di febrüari 2024. E desishon aki ta trata e aprobashon di un instrukshon provishonal duná na minister Plenipotensiario komo preparashon pa e reunion di Konseho di Minister di Reino dia 16 di febrüari 2024. E meta ta pa risibí aprobashon pa entrega di un petishon pa modifikashon pa Akuerdo di Banko Internashonal pa rekuperashon i Desaroyo (Wereldbank/IBRD). E intenshon di e proseder aki ta pa laga hasi un aprobashon implísito, pa despues pidi un konseho na departamento di konseho di ‘Raad van State” di Reino. E proseso aki ta sigui riba rekomendashon di Direktor di Asuntunan Eksterior, fecha 8 febrüari 2024.
2. Konseho tokante modifikashon di Akuerdo pa un Derecho di patènt Uniforme: Bruselas (Minister di asuntunan general)
Konseho di Minister ta bai akuerdo ku formalisashon di desishonnan, tumá riba 15 di febrüari 2024, ku ta trata e aprobashon di instrukshonnan prepará pa Minister Plenipotensiario. E instrukshon ta intenshoná pa tratamentu durante reunionnan di Konseho di Minister di Reino riba 16 di febrüari 2024, pa loke ta trata aseptashon di e rapòrt mas detayá tokante Modifikashonnan di e Akuerdo pa un Derecho di patènt Uniforme, manera esun formulá na Bruselas riba 26 di yüni 2023 (Trb.2023, 114). Ademas ta bai di akuerdo pa manda e Modifikashonnan na e Tratado di Derechonan di hurisprudensia i notanan splikativo na ‘Staten Generaal’ ku intenshon pa risibí un aprobashon implísito. Tur esaki den konsenso ku Direktor di Asuntunan Eksterior di dia 8 di febrüari 2024.
3. Konseho tokante instrukshon pa Minister Plenipotensiario tokante e proyekto di lei pa aprobashon di un Akuerdo di kolaborashon será riba 15 di novèmber 2023 na Apia, Samoa entre EU i su estadonan asosiá i Staten di Afrika, Karibe i Oséano Pasífiko (Akuerdo di Samoa) (Minister di Asuntu General)
Konseho di Minister a bai di akuerdo ku formalisashon di seri di desishonnan tumá riba 15 di febrüari 2024. E desishonnan aki ta trata aprobashon di un instrukshon previo diseñá duná na Minister Plenipotensiario komo preparashon pa reunion di Konseho di Minister di Reino riba 16 di febrüari 2024. E intenshon ta pa bai di akuerdo ku entrega di un Proyekto di Lei ku lo ratifiká e Akuerdo di kolaborashon entre di un banda Union Oropeo i su estadonan asosiá i di otro banda Estadonan asosiá di Staten di Afrika, Karibe i Oséano Pasífiko. Aki a tuma konseho serka departamento di konseho di ‘Raad van State’ di Reino.
Ademas Konseho di Minister ta rekonosé ku aunke e akuerdo aki lo no ta aplikabel direktamente pa e islanan di Kòrsou, Aruba i Sint Maarten e lo tin implikashonnan tòg pa e paisnan aki den konteksto di Artíkulo 2, insiso tres di Aprobashon i Publikashon di akuerdonan. Tur esaki den konsenso ku Direktor di Asuntunan Eksterior di dia 8 di febrüari 2024.
4. Konseho tokante instrukshon pa Minister Plenipotensiario tokante e Rapòrt di Kolegio di Supervishon finansiero i di presupuesto di 2024 di Sint Maarten na Konseho di Minister di Reino (Minister di asuntunan general)
Konseho di minister a bai akuerdo pa ratifiká ofisialmente e desishon di 15 di febrüari 2024. E desishon aki ta enserá ku Konseho di Minister ta bai akuerdo ku e instrukshonnan presentá na Minister Plenipotensiario pa e reunion di Konseho di Minister di Reino riba 16 di febrüari 2024. Konseho di Minister lo no vota durante di e reunion pero si lo tuma anotashon di e proposishonnan di Kolegio di Supervishon finansiero pa loke trata e Presupuesto 2024 di Sint Maarten. E desishon aki ta tuma a base di konseho di Direktor di legislashon i asuntunan hurídiko (WJZ) di 9 di febrüari 2024.
5. Konseho tokante instrukshon duná na Minister Plenipotensiario pa loke ta trata rapòrt tokante modifikashon di Dekreto di ekstradishon pa Aruba, Kòrsou i Sint-Maarten pa un prosedimentu abreviá di ekstradishon (Minister di Asuntunan General)
Konseho di minister a tuma e desishon pa ofisialmente ratifiká un desishon tumá riba 15 di febrüari 2024. E desishon aki ta bai tokante aprobashon di un proposishon duná na Minister Plenipotensiario pa presentá durante Reunion di Konseho di Minister di Reino riba 16 di febrüari 2024. E proposishon aki ta bai tokante aprobashon di un prosedimentu abreviá di ekstradishon nobo manera ta deskribí den Dekreto di ekstradishon pa Aruba,Kòrsou i Sint Maarten. Despues di aprobashon di Konseho di Minister di Reino lo formulá i entregá un rapòrt detayá na Rei pa aprobashon definitivo. E desishon aki ta tumá konforme e konseho di Direktor di legislashon i asuntunan hurídiko (WJZ) di 9 di febrüari 2024
6. Proposishon pa un akuerdo supletorio pa prolongá e Akuerdo di Maneho pa e maneho, mantenshon i eksplotashon di e Área di Koredor entre Pais i Curaçao Tourism Development Foundation (CTDF). (Minister pa desaroyo ekonómiko)
Konseho di minister ta bai di akuerdo ku e siguiente desishonnan:
E desishonnan aki ta tumá a base di un proposishon di Minister pa desaroyo ekonómiko, fechá 2 di febrüari 2024. Ademas a duna aprobashon pa presentá e dekreto gubernamental korespondiente na Gobernador pa firma.
7. Proposishon pa ratifiká e Protokòl kontra trafikashon di migrantenan komo suplemento na Tratado di Nashonnan Uni kontra kriminalidat organisá trans-nashonal, New York, 15 di novèmber 2000. (Minister di Hustisia)
Konseho di Minister ta bai akuerdo ku e siguiente stapnan:
E desishonnan aki ta tuma lugá konforme un proposishon di Minister di Hustisia, fechá 31 di yanüari 2024
8. Petishon tokante partisipashon na Konferensia Ministerial OCTA i e Foro LGO-EU (26-29 febrüari 2024) (Minister di Asuntunan General)
Konseho di Minister a bai di akuerdo ku e siguiente proposishonnan:
E desishonnan aki ta tumá a base di un petishon fechá 15 di febrüari 2024 na Minister Presidente, tambe Minister di Asuntunan General. For di esaki a yega na un akuerdo pa presentá e dekreto gubernamental konsepto na Gobernador pa firma.
9. Akuerdo tokante e maneho di Sitionan di parker den Punda (Minister di Trafiko, Transporte, i Planifikashon Urbano)
Konseho di minister ta bai akuerdo ku e siguiente puntonan:
E desishon aki ta tumá konforme ku e proposishon di 16 di febrüari 2024 pa Minister di Tráfiko, Transporte i Planifikashon Urbano. Seguidamente lo presentá e dekreto gubernamental korespondiente na Gobernador pa firma.
10. Proposishon pa modifikashon di e desishon tokante yudansa internashonal pa ku kobransa di impuesto. (Minister di Finansa)
Konseho di Minister ta bai akuerdo ku e proposishon i entrega di un dekreto gubernamental konsepto na gobernador pa firma ku lo trese modifikashonnan den e akuerdo eksistente tokante kolaborashon internashonal pa ku kobransa di impuestonan. Esaki ta konforme un petishon di Minister di Finansa, fechá 21 di febrüari 2024.