Reunion entre SSC, Kònsùl di USA i Ministerio di ESKD - Informashon tokante Gobièrnu di Kòrsou

Reunion entre SSC, Kònsùl di USA i Ministerio di ESKD

Enseñansa, Siensia, Kultura & Deporte
 

Reunion entre SSC, Kònsùl di USA i Ministerio di ESKD

Publiká riba 06 Yüni 2024

WILLEMSTAD – Minister di Enseñansa, Siensia, Kultura i Deporte (ESKD) sr. Sithree van Heydoorn a tene un reunion ku Direktor di SSC sr. Sidney Justiana i Kònsùl general di Estádos Unídos sra. Margy Bond.

Durante di e reunion a kombersá i dialogá riba temanan manera di Skol di Fundeshi na ingles na Sint Antonius College, akuerdo ku universidatnan na Merka i e Sentro “Education USA” ku ta den e ofisina di SSC kaminda hóben nan por risibí tur informashon relashoná ku estudio na Merka.

E reunion a tuma lugá dor ku e kònsùl su periodo ta bai terminá. Despues a sigui ku interkambio di un gesto di apresio i amistat kaminda a gradisí otro pa e tremendo koperashon entre e organisashon di Konsulado di Estádos Unídos, SSC i Ministerio di ESKD.

—

KOMUNIKASHON

*Riba e potrètnan athunto por tuma di e reunion. Pa mas potrèt por bishitá: Reunion USA-SSC-MInisterio