Publiká riba 20 Yüni 2024
Willemstad: Djaweps 20 di yüni 2024 Minister di Hustisia sr. Shalten Hato i Minister president enkargá ku Medio ambiente i naturalesa sr. Gilmar Pisas a firma un protokòl pa kuminsá ku e trayekto di plantashon i krio di bestia na Sentro di Detenshon i Korekshon Kòrsou.
Den presensia di klientenan di Buitenproject i Landbouw, personal di SDKK i tambe invitadonan a hiba palabra direktor Suplente sr. Anthony Hasselmeijer, Direktor Suplente di AVB sr. Marshall Sambo i tambe Ministernan sr. Gilmar Pisas i sr. Shalten Hato.
E meta prinsipal di e koperashon entre Minsiterio di Hustisia i GMN lo ta pa duna kolaberashon riba desaroyo di agrario i tambe di krio di bestia. Tambe den kuadro di e trayekto akí a pone fondonan nesesario pa durante e 5 aña benidero por hasi plantashon den vários forma i téknika moderno i tambe lo inisiá ku krio di diferente bestia e.o: kabritu, karne i tambe galiña.
E sermonia a terminá den un ambiente festivo, kaminda ku e minister nan a planta e promé simia di algun berdura i tambe a duna e bestianan kuminda i finalmente den forma simbóliko a plug un parti di tereno.
