Publiká riba 23 Yüni 2024
Willemstad – Lokèt di Pèrmit konhuntamente ku Asuntunan Públiko (Kranshi) di Ministerio di Maneho di Gobernashon, Planifikashon i Servisio Públiko ta aktualisá i introdusí mas produkto den e sistema pa traha sita.
Lokèt di Pèrmit ta aktualisando e sistema pa por traha sita ‘online’ dor di inkorporá mas produkto. E sistema aktualisá aki, ‘Internet Afspraken Manager’ (IAM), ta mas modèrno i efisiente i alabes ta brinda e kliente di por traha sitanan ku mas fasilidat.
Entrante 1 di yüli 2024 por traha sita online pa e produktonan konosí kual ta pasport, Sédula, Reibeweis, kùr vehíkulo i sita pa Domeinbeheer, i awor ta bai ta posibel pa traha sita pa petishon di dokumentonan di Kranshi, manera e.o. ekstraktonan (Uittreksels) i tambe sita pa dunamentu di man pa kasamentu (Ondertrouw) na Kranshi.
Lokèt di Pèrmit ta alkansabel via e siguiente kanalnan.
Number di telefòn: | 433-3123 |
Whatsapp: | 433-3127 |
Página sosial Facebook: | Lokèt di Pèrmit |
Página sosial Instagram: | loket.di.permit |
Lokèt Digital: | https://loketdigital.gobiernu.cw/ |
Adrès: Saliña 127 Eurobuilding (Banda di Subway)
Orario: djaluna pa djaweps 08:00 – 15:00 or
djabièrnè 08:00 – 12:00 or