WILLEMSTAD – Riba djárason 9 di òktober, orkan Milton lo pasa riba e estado di Florida. Gobièrnu di Kòrsou ta pidi tur residente di Kòrsou ku ta aktualmente na Florida, pa sigui tur indikashonnan di e outoridatnan lokal i tambe e medionan di komunikashon (lokal). E situashon por kambia rápidamente.
Ta bon pa tuma kontakto ku outoridatnan lokal, e hotèl kaminda bo ta keda òf e organisashon ku bo ta bishitando, si bo tin algun pregunta tokante e situashon aktual. Chèk e diferente medidanan di prevenshon ku bo por tuma riba: https://www.weather.gov/safety/hurricane-plan. Tambe bo por lesa mas tokante e wer riba e siguiente website nan (informashon na Ingles): https://www.tropicalstormrisk.com i https://www.nhc.noaa.gov/.
Nos ta rekomendá tur residente di Kòrsou ku ta na Florida pa registrá nan mes via e servisio di informashon di Ministerio di Asuntunan Eksterior di Reino Hulandes (BZ) na nederlandwereldwijd.nl òf via e sentro di kontakto di NederlandWereldwijd riba number di telefòn +31 247 247 247 òf WhatsApp +31 6 82 38 77 96. Asina bo por keda na altura di e último desaroyonan.
Bo tin planiá pa biaha? No lubidá, promé ku bo biaha, pa download e app di biahe di Ministerio di BZ (https://www.nederlandwereldwijd.nl/reisadvies/download-reisapp) i sigui e konsehonan di biahe ku ta konta pa bo destinashon.
