Publiká riba 27 Sèptèmber 2024
Desishonnan relashoná spesífikamente ku asuntunan di pais riba nivel nashonal di djárason, 25 di sèptèmber 2024:
1. Proposishon pa instituí e ‘Nationale Task Force IP Crimes’ (Minister di Hustisia)
Konseho di Minister ta di akuerdo ku kontenido di e dekreto nashonal den konsepto pa instituí un ‘Nationale Task Force IP Crimes’. E akuerdo akí ta basá riba proposishon di Minister di Hustisia. E dekreto nashonal den konsepto lo keda presentá na Gobernador pa firma.
2. Petishon pa instituí e organisashon di programa “Struktura Integrá pa Reformashon di Turismo” (Minister di Desaroyo Ekonómiko)
Konseho di Minister ta di akuerdo ku kontenido di e dekreto nashonal den konsepto pa instituí e organisashon di programa “Struktura Integrá pa Implementashon di Reformashon den Turismo”. E tareanan menshoná den e dekreto nashonal lo keda forma parti di e responsabilidatnan di e ministerionan. Aprobashon di esaki ta basá riba proposishon di Minister di Desaroyo Ekonómiko. Konseho di Minister alabes a aprobá pa presentá e dekreto nashonal den konsepto na Gobernador pa firma.
