Bishita di Promé Dama di Sürnam na skol - Informashon tokante Gobièrnu di Kòrsou

Bishita di Promé Dama di Sürnam na skol

Enseñansa, Siensia, Kultura & Deporte
 

Bishita di Promé Dama di Sürnam na skol

Publiká riba 28 Òktober 2024

WILLEMSTAD – Resientemente minister di Enseñansa, Siensia, Kultura i Deporte (ESKD) sr. Sithree van Heydoorn a bishitá e skol Avansá Amador Nita huntu ku promé dama di Sürnam sra. Mellisa Santohki-Seenacherry. Alumnonan di e skol a risibí e promé dama di forma kaluroso i a tene 2 presentashon di baile kultural.

Promé dama di Sürnam a papia ku un grupo di 40 alumno tokante un problema ku mas ta kresiendo serka hóbennan: adikshon na telefòn selular. E kombersashon a bai di forma habrí tokante e adikshon akí i su influensia riba salú mental di hóbennan. Tambe el a duna konseho práktiko kon pa haña balansa i logra dominá e adikshon. Na final sra. Mellisa Santohki-Seenacherry a hasi donashon di 2 laptop i un printer grandi na e skolnan.

Minister di ESKD sr. Sithree van Heydoorn ta yama e direktiva di e skol i alumnonan un danki di kurason pa e bunita resepshon na honor di e promé dama di Sürnam sra. Mellisa Santohki-Seenacherry.

Riba e potrètnan athunto por tuma nota di e bishita: