Publiká riba 06 Novèmber 2024
WILLEMSTAD – Ministerio di Finansa ta informá ku Departamento di Registro di Tèstamènt, ku – despues di a muda – tabata planiá pa habri bèk pa públiko djaweps 7 di novèmber, awor lo habri djabièrnè 8 di novèmber na su adrès nobo na Pietermaai 4-4A.
Entrada pa e departamento ta situá na e parti p’abou (wèst) di e edifisio, ku bòrchi pa indiká esaki.
Nos ta pidi di antemano diskulpa pa kualke inkumbiniensia ku e kambio di fecha di habrimentu por kousa. Pa pregunta òf informashon adishonal por tuma kontakto nos via e-mail na inzage.testament@gobiernu.cw.
