Publiká riba 09 Novèmber 2024
Willemstad – Lokèt di Pèrmit na Saliña i Lokèt di Komunidat na Sambil, ta informá ku djabièrnè, 15 di novèmber 2024, nan lo ta será i no por brinda nan servisionan kustumbrá na e klientenan. Esaki ku eksepshon di e balinan di Servisio di Atmishon na Saliña.
E departamentonan Lokèt di Pèrmit i e unidat Lokèt di Komunidat lo ta será e djabièrnè menshoná aki i lo habri bèk djaluna. Na e lokalidat aki no ta posibel brinda nan servisionan. Sitanan ku mester tuma lugá e dia aki na Sambil ta kambia di lokalidat i ta bai na Kranshi na Roodeweg (Otrabanda). Esaki relashoná ku ehersisionan interno ku ta bai tuma lugá riba e dia aki.
Tuma nota ku kolaboradónan di e departamento di Servisio di Atmishon,, lo tei e djabièrnè aki pa duna servisio normal di 8 or pa 12 or di mèrdia.
Ministerio di Maneho di Gobernashon, Planifikashon i Servisio Públiko ta hasi su máksimo esfuerso pa sigui sirbi nos pueblo di e mihó forma.
Pa mas informashon por tuma kontakto ku Lokèt di Pèrmit, Departamento Bentana di Informashon, na 433-3123.
