Publiká riba 11 Novèmber 2024
WILLEMSTAD – Riba invitashon di Minister di Enseñansa, Siensia, Kultura i Deporte sr. Sithree van Heydoorn, Prins Louis Xavier Marie Guillaume di Luxemburg, lo ta bishita na Kòrsou di 13 pa 16 di novèmber proksimo. Manera konosí den luna di yüni minister van Heydoorn ku su delegashon a hasi un biahe di trabou pa Luxemburg pa hiba kombersashon ku instansianan di enseñansa basiko, spesial i universitario. E meta prinsipal tabata pa sera konosí ku un sistema di software ku yama Magrid Learning Solution.Magrid ta un software di matemátika diseñá pa muchanan entre 3 pa 9 aña pa yuda desaroyá konosementu den matemátika i abilidatnan kognitivo. E software aki no ta dependé di uso di idioma i asina duna tur mucha mesun oportunidat pa dominá e materia, sin ku ta importá kon bon nan por dominá Papiamentu, Hulandes of otro idioma. E software aki ta inklusivo i a ser diseñá pa yuda mucha ku varios tipo di nesesidat, inkluíendo autismo, dislexia, ADHD, diskalkulia, dispraxia, disgrafia, problema di idioma, sindrome di Down i tambe mucha ku tin problema ku oido.
Sra. Tahereh Pazouki, Ph.D, fundadó i CEO i Prins Louis ku ta embahador di e software lo ta presente pa firma un akuerdo (MoU) dia 14 di novèmber entre Kòrsou i Magrid pa kuminsa un proyekto piloto na algun skol di fundeshi i skol speshal na Kòrsou ku intenshon pa hasi e aplikashon aki disponidel pa tur mucha den enseñansa.
—
KOMUNIKASHON
