“Despues di a sirbi komunidat pa 40 aña”
Willemstad: Djárason 4 di desèmber 2024, a tuma lugá un sermonia di despedidá pa señor Michael Isenia ku despues di 40 aña di servisio ta bai disfrutá di su penshun bon meresí. Na okashon aki miembronan di tim di maneho di SDKK a hiba palabra i despedí ofisialmente di señor Michael Isenia komo miembro di tim di maneho di prizòn.
Señor Michael Isenia a drenta na prizòn komo aspirant di wardadó di prezu na aña 1984 i a terminá su estudio ku eksito i a laborá komo wardadó di prezu te ku aña 1989. Despues na aña 1990 el a sigui su karerá na departamento di Foba te ku 2002 i a keda promové i a bira e hefe di departamento di Foba te aña 2015. Na aña 2015 señor Michael Isenia a bira Hefe i konsehero di Seguridat di prizòn kaminda el a laborá te ku dia di awe.
Gerensia i personal di Sentro di Detenshon i Korekshon Kòrsou, ta gradisí señor Michael Isenia pa su 40 aña di servisio na prizòn i ta deseá su persona tur klase di éksito den su etapa nobo di bida.
