Publiká riba 30 Desèmber 2024
Willemstad – Promé Minister sr. Gilmar Pisas a primintí i ta kumpli ku penshonadonan di Refineria Isla dia 29 di desèmber 2024.
Penshonadonan di Refinería Isla a keda invitá den diferente sekshon kaminda nan a haña splikashon riba e pago ku lo bai tuma lugá.
Diaduminga 29 desèmber 2024 tabatin e promé dos sekshonnan i mester indiká ku tur kos a kana sigun plan.
Penshonadonan presente a gradisí Promé Minister sr. Pisas imensamente pa e trabounan desplegá i a mustra nan gratitut pa e esfuersonan ku Promé Minister sr. Pisas a hasi.
Den su deklarashon na e penshonadonan Promé Minister sr. Pisas a indiká ku e ta kontentu di mira karanan felis.
Apesar di tur kontratempo e no a spar niun gota pa sigui lucha te na momentu ku a yega na un solushon práktiko pa e pago na e penshonadonan por tuma lugá.
E penshonadonan lo risibí nan sèn den e próksimo dianan.
Sr. Lucas Beaujon den representashon di Refinería Isla tambe tabata presente i a duna un indikashon kuantu trabou a ser hasí pa finalmente yega na tur datosnan korekto di moda ku e pagonan por a bira posibel.
Sindikatonan APRI i PWFC a pone edifisio di PWFC disponibel pa e sekshonnan por a tuma lugá den tur trankilidat i a enfatisá ku nunka a stòp di traha pa e penshonadonan haña nan sèn.
E kolaborashon entre sindikatonan, Refineria Isla, RDK i Promé Minister sr. Pisas a funshoná i a duna un resultado positivo.
Seguidamente lo siguí ku e mesun fervor pa PDVSA kaba di kumpli ku e sobra debenan ku a keda atras.
E potrètnan athuntu ta papia pa nan mes. Penshonadonan ta kontentu ku e logro.
Esaki ta mustra ku pasenshi nos ta gana Gloria!