Desishonnan di djárason 15 di yanüari 2025

Desishonnan relashoná spesífikamente ku asuntunan di pais riba nivel nashonal di djárason, 15 di yanüari 2025:

1. Proposishon pa un Protokòl di Kolaborashon kaminda konhuntamente ta supervisá e Air Navigation Service (ANS) providers (Minister di Tráfiko, Transporte i Planifikashon Urbano)

Konseho di Minister a aprobá e siguiente desishonnan:

1. A akordá kontenido di e protokòl di kolaborashon den konsepto ku título “Protocol on the Cooperation in the Exercise of the Oversight on the Dutch Caribbean Air Navigation Service provider within the Kingdom of the Netherlands,” relashoná ku supervishon konhunto di e Air Navigation Service (ANS) providers.
2. E Direktor-General di Outoridat di Aviashon Sivil di Kòrsou ta outorisá pa firma e protokòl di kolaborashon den konsepto na nòmber di Gobièrnu di Kòrsou.

E desishonnan akí a keda tumá a base di e proposishon presentá pa Minister di Tráfiko, Transporte i Planifikashon Urbano di dia 16 di desèmber 2024. Ademas, Konseho di Minister a bai di akuerdo pa presentá e dekreto nashonal den konsepto na Gobernador pa firma.

2. Proposishon pa un akuerdo di maneho pa aña 2024-2025 relashoná ku maneho di kasnan popular i otro tipo di kasnan, entre Pais Kòrsou i Fundashon Kas Popular (FKP) (Minister di Tráfiko, Transporte i Planifikashon Urbano)

Konseho di Minister a aprobá e siguiente desishonnan:

1. A akordá kontenido di e akuerdo di maneho den konsepto pa ku maneho di kasnan popular i otro tipo di kasnan dor di Fundashon Kas Popular (FKP) pa aña 2024-2025.
2. Minister di Tráfiko, Transporte i Planifikashon Urbano ta outorisá pa firma e akuerdo di maneho den konsepto na nòmber di Gobièrnu di Kòrsou.

E desishonnan akí a keda tumá a basa di e proposishon presentá pa Minister di Tráfiko, Transporte i Planifikashon Urbano. Ademas, Konseho di Ministro a bai di akuerdo pa presentá e dekreto nashonal den konsepto na Gobernador pa firma.

MAS NOTISIA