Desishonnan di djárason 12 di febrüari 2025

Desishonnan relashoná spesífikamente ku asuntunan di pais riba nivel nashonal di djárason, 12 di febrüari 2025:

1. Konsepto di instrukshon pa e Minister Plenipotensiario riba nombramento diplomátiko – Konseho di Minister di Reino di 31 di yanüari 2025 (Minister di Asuntunan General)

Konseho di Minister a disidí riba di 30 di yanüari 2025 pa instruí e Minister Plenipotensiario pa durante e Konseho di Minister di Reino di dia 31 yanüari di 2025, e bai di akuerdo ku e proposishon pa nombra señor A.M.A. Driessen komo embahador ekstraordinario i plenipotensiario pa Mexico i Belize, ku base den siudat di Mexico. E desishon akí ta sigui konseho di Direktor di Direktorado di Relashonnan Eksterior di dia 29 yanüari di 2025.

2. Konseho riba e dekretonan nashonal den konsepto pa e florin Karibense (Minister di Asuntunan General)

Konseho di Minister a akordá e siguiente puntonan:

1. E desishon di 24 di desèmber 2024 pa manda e konseptonan di lei tokante introdukshon di e florin Karibense i retiro di e florin Antiano Hulandes pa Direktorado di lei i Asuntunan Hurídiko pa konseho.
2. Kontenido di e proposishonnan di lei anteriormente menshoná ku ta wòrdu mandá pa Gobernador pa firma.

A tuma e desishonnan akí riba konseho di e Direktor di Direktorado di Lei i Asuntunan Hurídiko di dia 3 di febrüari 2025.

3. Proposishon tokante raportahe di maneho finansiero pa desèmber 2024 i raportahe di implementashon pa e di kuater kuartal di 2024 (Minister di Finansa)

Konseho di Minister a akordá e siguiente puntonan:

1. Stipulashon di e raportahe di maneho finansiero pa desèmber 2024, inkluso e raportahe di implementashon pa e di kuater kuartal di 2024.
2. Entrega di e dos dokumentonan akí na Gobernador i Parlamento.
3. Entrega di e mésun dokumentonan na Kolegio di Supervishon Finansiero (Cft) pa risibí konseho.

A tuma e desishonnan akí riba proposishon di Minister di Finansa di dia 10 di febrüari 2025.

MAS NOTISIA