Notisia

Akuerdo di maneho entre Gobièrnu di Kòrsou i Sint Michiel Baseball Academy Sharks

Willemstad – Gobièrnu di Kòrsou a firma un akuerdo di maneho ku e organisashon Sint Michiel Baseball Academy Sharks. Minister di Tráfiko, Transporte i Planifikashon Urbano sr. Charles Cooper huntu ku Minister di Enseñansa, Siensia, Kultura i Deporte sr. Sithree van Heydoorn, na nòmber di Gobièrnu, a firma e akuerdo di maneho (‘beheersovereenkomst’).

E organisashon di Sint Michiel Baseball Academy Sharks a hasi un petishon pa por a bin na remarke pa desaroyo di e tereno den e área di deporte na Klein St. Michiel. E tereno ta na tur e tereno ta 14.000 m2 grandi. E akuerdo di maneho aki tin un balides di pa 5 aña i ku posibilidat pa ekstenshon.

Ministernan a keda kontentu ku e akuerdo aki komo huntu ta traha na bienestar di nos hóbennan den e área deportivo i sigui duna oportunidat na tur organisashon ku ta para pa desaroyo di nos País. A la bes nan a a gradisí i deseá e organisashon tur klase di éksito.

* Riba e potrèt nan athunto por tuma nota di e momentu ku Ministernan a firma e akuerdo huntu ku representantenan di e organisashon

MAS NOTISIA

Gobièrnu di Kòrsou