Publiká riba 20 Mart 2025
WILLEMSTAD – En konekshon ku e elekshon di 21 di mart 2025 pa e miembronan di Parlamento di Kòrsou, Promé Minister, sr. G. Pisas, awe a ofresé su retiro i esnan di e otro Ministernan i tambe Minister Plenipotensiario na Gobernador di Kòrsou, S.E. sra. Lucille George-Wout.
Gobernador a informá Prome Minister ku el lo tuma e petishon pa retirá den kosiderashon. Gobernador alabes a pidi e ministernan pa sigui tuma responsabilidat di trabounan ku mester tuma lugá na bienestar di Curaçao i pa sigui duna Gobernador e koperashon nesesario te na momento ku a tuma un desishon riba e petishon di retiro.