Notisia

Implementashon di proyekto pilot relashoná ku matemátika pa Edukashon Innovativo National

Curaçao a implementá un proyekto piloto di Magrid di seis luna ku 400 studiante. E proyekto aki a mustra progreso signifikativo den siñamentu di matemátika for di edat yòng, ku a duna motibu pa konsiderá implementashon na nivel national i pa sosten edukashon inklusivo.

WILLEMSTAD –  Na novèmber 2024, Ministerio di Enseñansa di Kòrsou a firma un Akuerdo ku Magrid di Luksemburgo. Ku e akuerdo aki, e ministerio a investigá kon un instrumento digital i objetivo relashoná ku idioma por yuda pa duna tur mucha un komienso mihó den matemátika, sin ta importa nan idioma. Durante un periodo di seis luna, e programa digital aki a keda uzá i evaluá intensamente den vários skol di fundeshi. E resultado i dato kolektá a keda presenta na Minister di Enseñansa, Siensia, Kultura i Deporte, señor Sithree van Heydoorn. Den konsulta ku direktor di skol, representante di e ministerio, e maestro ku a partisipá den e proyekto piloto, e resultado a keda analisá, eksperensia práktiko ku a keda kompartí, tur esakinan a determiná i hina na un implementashon konkreto, mas amplio i sostenibel.

Magrid ta un método edukativo sientífiko, pa mucha entre e edat di 4 i 7 aña, ku ta stimulá abilidat nan numériko i visualisasoshon tékniko. Pa motibu ku e método aki no ta dependé di idioma, e ta hopi bon pa grupo di mucha ku ta papia vários idioma òf tin diversidat neurológiko. E método ta yuda desaroyá abilidat matemátiko i kognitivo pa medio di un aproksimashon intuitivo.

Seis luna di proyekto piloto ku resultado notabel:

E proyekto piloto a kuminsá na yanüari 2025 i a alkansá mas ku 400 alumno entre e edat di 4 pa 7 aña. Durante di dies siman a tuma lugá un prueba kontrolá, ku a keda sostené pa medio pa un enkuesta entre maestro. Profeshonalnan di enseñansa a traha huntu ku e meta pa duna e mucha chikí un base fuerte. E resultado tabata mas bon ku loke a spera; aki ta sigui algun punto importante:

84. Mucha di 4 aña den e grupo di intervenshon a mehorá nan abilidatnan visual- tekniko ku +84.9% i abilidatnan numériko ku +72.9%;
85. Maestronan a raportá oumento di sentido di kompromiso, mas independensia i motivashon mas fuerte—spesialmente serka muchanan ku ta lucha ku métodonan tradishonal;

• Enkuestanan ta mustra un rating di 4/5, ku mas o ménos 65% ta rekomendá Magrid i mas o ménos 70% ke sigui ku esaki pa otro aña.

Estadístika – Mas ku djis sifranan:

E estadístikanan aki ta bai mas leu ku rendimentu akadémiko. Nan ta mustra ku e alumnonan ta demostrá kuriosidat den klas, ku nan abilidatnan pa solushoná problema ta mehorá, i ku maestronan ta mirando desaroyonan positivo ku nan ta boga p’e.

Un mensahe di minister:

E konklushon tabata unánime: intervenshon trempan ta kambia bida—i Kòrsou ta kla pa esaki. E éksito aki ta debí na liderazgo fuerte di e ministerio, e konfiansa di direktornan di skol, e profeshonalismo di maestronan, kordinashon estrecho den e skolnan, tèstnan kuidadoso, i—riba tur kos—e entusiasmo di e muchanan mes.

E proyekto piloto aki a tradusí e vishon den resultadonan konkreto. Esaki ta solamente e komienso di e trayekto. Ku kompromiso kontinuo, Kòrsou por sirbi komo un ehèmpel den enseñansa inklusivo i inovativo, pa nos pais, pero tambe internashonalmente.

Sita di Minister:

“E resultadonan aki ta konfirmá ku invershon trempan den desaroyo di nos muchanan ta krea oportunidatnan pa bida. Komo pais Kòrsou ta komprometé pa garantisá ku kada studiante por prosperá, sin importá idioma òf antesedente. Ku partnernan manera Magrid, nos ta forma un futuro mas inklusivo i inovativo pa nos sistema di enseñansa.”

—

KOMUNIKASHON

** Riba e potrètnan athunto por tuma nota di representantenan di Magrid ta presentá i hasi entrega di e resultadonan na Minister sr. S. van Heydoorn

MAS NOTISIA

Ministerio konserní: Enseñansa, Siensia, Kultura & Deporte