Publiká riba 18 Ougùstùs 2025
WILLEMSTAD – Gobièrnu di Kòrsou a tuma nota di e rapòrt final di e CARICOM Election Observation Mission (CEOM) riba e elekshon parlamentario ku a tuma lugá dia 21 di mart 2025. A konstatá ku riba retnan sosial a enfoká prinsipalmente riba e rekomendashon tokante finansiamentu di kampaña, miéntras ku CEOM den su konklushon ofisial ta indiká klaramente ku e proseduranan pa loke ta apertura, votamentu, pero tambe na momentu di klousura i kontamentu di voto, a kana konforme e leinan i regulashon vigente, i ku no a surgi ningun situashon preokupante pa ku organisashon di e elekshon. E elekshon ku a keda opservá dor di timnan internashonal, inkluyendo CEOM, a kana pues sin problema i ta reflehá e boluntat di e pueblo di Kòrsou. Ademas, CEOM a konkluí den su relato ku e elekshon a wòrdu kondusí profeshonalmente i sin insidentenan grandi i, den e sentido ei, ta elogiá e esfuersonan di Konseho Supremo Elektoral pa su ekselente organisashon i dedikashon na prosesonan demokrátiko.
Na mes momento, gobièrnu ta tuma e rekomendashonnan di CEOM na serio, inkluyendo sugerensia pa sigui fortalesé e transparensia rondó di finansiamentu di partido i kampaña. Sinembargo, Kòrsou ya tin un kuadro hurídiko pa esaki den forma di e Ordenansa Nashonal di Finansa di Gruponan Polítiko. E ordenansa akí ta stipulá, entre otro, ku partidonan polítiko ta obligá di mantené registro i relatonan anual, ku donashonnan di sinku mil florin òf mas mester wòrdu registrá, indikando nòmber di donadó, fecha i montante, ku tin un máksimo di bintisinku mil florin pa donadó pa aña, ku donashonnan anónimo i donashonnan kèsh ku ta surpasá sinkushen florin ta prohibí, i ku institushonnan ku ta wòrdu supsidiá pa gobièrnu no mag di hasi kontribushon. Pues, e kuadro legal ya ta garantisá di forma signifkante un finansiamentu responsabel i transparente di partidonan polítiko i kampañanan elektoral.
Ta parse ku CEOM no a konsiderá esaki sufisiente. No opstante, gobièrnu, den konsulta ku Konseho Supremo Elektoral di Kòrsou komo organisashon independiente, lo konsiderá kon e rekomendashonnan di CEOM mester keda tradusí den medidanan konkreto pa futuro elekshonnan. Di e manera akí, Kòrsou por oumentá aun mas e konfiansa di su votadónan den funshonamentu di su demokrasia en general i e proseso elektoral en partikular. Segun CEOM, e elekshon di 21 di mart 2025 a konfirmá ku Kòrsou tin un proseso elektoral robusto i konfiabel, i nos tur por ta orguyoso di esaki. Promé Minister Gilmar Pisas a gradisí CEOM pa su opservashonnan i reportahe independiente riba e elekshon i a bisa: “E elekshon di 21 di mart 2025, ta testimonio di e forsa di nos tradishonnan demokrátiko. Mi ta orguyoso di e manera ku Kòrsou a organisá i ehekutá e elekshon akí.”
WILLEMSTAD – The Government of Curaçao has taken note of the final report issued by the CARICOM Election Observation Mission (CEOM) regarding the parliamentary elections held on March 21, 2025. It has been noted that social media responses have selectively focused on the CEOM’s recommendation regarding campaign financing. However, the official report clearly states that the opening, voting, closing, and counting procedures were conducted in accordance with applicable laws and regulations, and that no major concerns were identified regarding the organization of the elections. The elections, which were observed by international teams including the CEOM, proceeded smoothly and reflected the will of the people of Curaçao. In its report, the CEOM commended the Electoral Council for its professionalism and praised its excellent organization and dedication to the democratic process.
The Government of Curaçao takes the CEOM’s recommendations seriously, including those aimed at further improving transparency surrounding political party and campaign financing. At the same time, it is important to emphasize that Curaçao already has a legal framework in place through the National Ordinance on the Finances of Political Groups. This ordinance includes that political parties are required to maintain financial records and submit annual reports, donations of five thousand guilders or more must be registered, including the donor’s name, date, and amount, a maximum of twenty-five thousand guilders per donor per year is allowed, anonymous donations and cash donations above five hundred guilders are prohibited, and government-subsidized institutions are not permitted to make financial contributions. These regulations provide key safeguards to ensure responsible and transparent financing of political parties and election campaigns.
It appears that the CEOM may not have fully considered the existing legal framework. Nonetheless, in collaboration with the independent Electoral Council of Curaçao, the Government will assess how the CEOM’s recommendations can be translated into practical measures for future elections. This effort reflects the Government’s continued commitment to strengthening voter confidence in the democratic system and the integrity of the electoral process. According to the CEOM, the March 21 elections confirmed that Curaçao has a robust and reliable electoral process. Prime Minister Gilmar Pisas expressed his appreciation for the CEOM’s independent observation and stated: “The elections of March 21, 2025, were a testament to the strength of our democratic traditions. I am proud of how Curaçao organized and conducted these elections.”
