Publiká riba 26 Sèptèmber 2025
Desishonnan relashoná spesífikamente ku asuntunan di pais riba nivel nashonal di djárason, 24 di sèptèmber 2025:
1. Proposishon riba e ròl di SOAB den nombramentu i remunerashon di direktornan i komisarionan (Ministerio di Finansa)
Konseho di Minister a trata e proposishon pa nombra “Stichting Overheidsaccountantsbureau” (SOAB) komo konsehero di gobièrnu riba e selekshon, nombramentu, i remunerashon di direktornan i komisarionan. Ta manda e dekreto nashonal den konsepto pa Direktorado di Lei i Asuntunan Hurídiko pa konseho.
2. Proposishon riba remunerashon mas haltu pa ehekutivonan tòp (Ministerio di Finansa)
Konseho di Minister a trata e dekreto nashonal den konsepto tokante indikashon di posishonnan ku un remunerashon máksimo mas haltu pa ehekutivonan tòp. Ta manda e proposishon akí pa Direktorado di Lei i Asuntunan Hurídiko pa konseho.
