Bishita di kortesia di Embahador di Jamaica serka Promé Minister Pisas - Informashon tokante Gobièrnu di Kòrsou

Bishita di kortesia di Embahador di Jamaica serka Promé Minister Pisas

 

Bishita di kortesia di Embahador di Jamaica serka Promé Minister Pisas

Publiká riba 14 Òktober 2025

WILLEMSTAD – Riba djaluna, 13 di òktober 2025, Promé Minister sr. Gilmar Pisas a risibí e Embahador di Jamaica establesé na Port of Spain, Trinidad & Tobago, sra. Natalie Campbell-Rodriques.

E bishita aki tabata unu di kortesia kaminda e Embahador Campbell-Rodriques establesé na Port of Spain por a sera konosí ku Promé Minister Pisas.

Durante e kombersashona aki Embahador Campbell-Rodriques i Promé Minister Pisas a kompartí informashon riba diferente tema ku ta di mutuo interes pa ámbos pais manera deporte, edukashon i kon pa interkambiá den e areanan aki. Embahador Campbell-Rodriques i Promé Minister Pisas tambe a papia tokante e situashon di migrantenan di Jamaica na Kòrsou i kon por fasilitá e prosesonan na ambos banda.

Embahador Campbell-Rodriques a bini Kòrsou komo representante di Promé Minister di Jamaica, sr. Andrew Holness pa wak a wega di futbòl entre di Jamaica i Kòrsou ku a tuma lugá djabièrnè, 10 di òktober 2025.

E bishita a tuma lugá den un esfera ameno basá riba bon entendimentu i kolaborashon, pa sigui mantené un diálogo kontinuo na benefisio di Kòrsou.