Willemstad – Durante Konseho di Minister di siman pasá, ofisialmente a pidi Minister Roderick Middelhof pa duna sosten na Ministerio di Salubridat, Medio Ambiente i Naturalesa (GMN).
Pa por kumpli mesora ku e responsabilidat nobo aki, ayera Minister Middelhof a hasi un bishita na sentro di rehabilitashon Brasami. Durante e bishita aki a duna Minister un rekorido, a kombèrsa ku personal i gerente di Brasami i a ekspresá su apresio pa e trabou balioso ku Brasami ta eherse diariamente.
Ku e paso aki, e Minister ta demostrá no solamente kompromiso atministrativo pero tambe proaktivo. Su esfuersonan den seno di GMN lo ta enfoká riba kolaborashon, efisiensia, i resultadonan, semper ku e bienestar di e pueblo Kòrsou komo e prioridat di mas haltu.
Nos ta sigui traha pa pueblo di Kòrsou!
