Empleadonan di VVRP ta terminá kurso di BAVPOL ku éksito
Publiká riba
28 Òktober 2025
Willemstad – Awor Ministerio di Tráfiko, Transporte i Planifikashon Urbano (VVRP) ta aun mas mihó kapasitá pa atendé ku ilegalidat. Un grupo di 13 empleado di VVRP, inkluso miembronan di e Projectteam Toezicht en Handhaving (PTH) a finalisá e kurso di Buitengewoon Agent van Politie (BAVPOL). Entrega di sertifikado a tuma lugá riba djaluna 27 di òktober 2025.
Meta di e kurso aki tabata pa ekipá funshonarionan pa nan por sigui aktuá ku man duru kontra entre otro konstrukshon ilegal, okupashon ilegal di tereno di gobièrnu, inkumplimentu ku pèrmit relashoná ku VVRP, i iregularidatnan den transporte públiko, i mas.
E siguiente paso den e proseso ta huramentashon serka Minister di Hustisia. Despues di esaki, e funshonario lo sigui fungí komo ‘toezichthouder’ pa loke ta leinan relevante pa e ministerio.
