Willemstad — Den kuadro di Ministerio di Desaroyo Ekonómiko (MEO) su esfuersonan pa yega mas serka di nos komunidat lokal, MEO ta inisiá un seri nobo di seshon informativo “MEO den Bo Bario”. E promé seshon di e seri ta tuma lugá djárason 5 di novèmber 2025 na Sentro di Bario Sta. Maria, di 7:00 pa 9:00 anochi.
E edishon aki di MEO den Bo Bario lo ta enfoká riba preparashonnan pa e periodo di fin di aña i Karnaval. Dos momentu importante pa tantu konsumidó komo empresarionan lokal. E meta ta pa stimulá konsumidónan pa kumpra konsiente i responsabel i pa stimulá i fasilitá nos komunidat empresarial.
Durante e seshon lo tin presentashonnan di entre otro:
Tópikonan lo inkluí: protekshon di konsumidó, kon pa kombertí un idea di negoshi den realidat, e proseso pa optené pèrmit i e obligashonnan fiskal i atministrativo di un empresario.
MEO ta invitá un i tur, i spesialmente e komunidat di Sta. Maria i besindario pa partisipá i asina sa mas kon kada un di nos por duna nos granito na desaroyo di nos ekonomia lokal.
Huntu nos ta sigui krese i logra éksito.
