Publiká riba 01 Novèmber 2025
Desishonnan relashoná spesífikamente ku asuntunan di pais riba nivel nashonal di djárason, 29 di òktober 2025:
1. Revishon di e ‘Beleidsnota. Kleinschalige duurzame elektriciteitsvoorziening’ (Ministerio di Asuntunan General)
Konseho di Minister a aprobá e kontenido i adopshon di e dokumento revisá titulá: ‘Beleidsnota. Kleinschalige duurzame elektriciteitsvoorziening’ di Regulatory Authority of Curaçao (RAC), konforme rekomendashon di e direktor di RAC i e proposishon di Minister di Asuntonan General di (AZ).
2. Atkisishon di e infrastruktura ku ta pertenesé na e plan di desaroyo di Grote Berg for di Centracur Exploitatie Maatschappij N.V. (Ministerio di Tráfiko, Transporte i Planifikashon Urbano)
Konseho di Minister a aprobá e siguiente desishonnan:
1. Aprobashon di e dekreto nashonal konseptual tokante kompra di un tereno, inkluso infrastruktura (‘berm’, kloaka, roi i iluminashon públiko), na un balor simbóliko di Cg. 1,00 – lesa: un florin karibense, ku ta pertenesé na e ‘verkavelingsplan’ Grote Berg serka di Papaya di Centracur Exploitatie Maatschappij N.V..
2. Pa outorisá Minister di Tráfiko, Transporte i Planifikashon Urbano (VVRP), òf tambe e Direktor di Domeinbeheer, pa representá e entidat hurídiko públiko Kòrsou pa realisá e kompra menshoná den punto 1.
E desishonnan aki ta tumá di akuerdo ku e konseho di e Direktor di Domeinbeheer fechá 24 di òktober 2025. Tambe a aprobá pa entregá e dekreto nashonal konseptual na Gobernador pa firma.
3. Atkisishon di e infrastruktura ku ta pertenesé na e plan di desaroyo di Grote Berg Fase 2 for di Centracur Exploitatie Maatschappij N.V. pa Gobièrnu (Ministerio di Tráfiko, Transporte i Planifikashon Urbano)
Konseho di Minister a aprobá e siguiente desishonnan:
1. Aprobashon di e dekreto nashonal konseptual tokante kompra di un tereno, inkluso infrastruktura (‘berm’, kloaka, roi i iluminashon públiko), na un balor simbóliko di Cg. 1,00 – lesa: un florin karibense, ku ta pertenesé na e ‘verkavelingsplan’ Grote Berg fase 2 situá den e Terser Distrito di Kòrsou ku ta Grote Berg, di Centracur Exploitatie Maatschappij N.V.
2. Pa outorisá Minister di Tráfiko, Transporte i Planifikashon Urbano (VVRP), òf tambe e Direktor di Domeinbeheer pa representá e entidat hurídiko públiko Kòrsou pa realisá e kompra menshoná den punto 1.
E desishonnan aki ta tumá di akuerdo ku e konseho di e Direktor di Domeinbeheer fechá 24 di òktober 2025. Tambe a aprobá pa entregá e dekreto nashonal konseptual na Gobernador pa firma.
4. Progreso i puntonan di desishon pa e Selebrashon di Fin di Aña di Ámtenarnan 2025 (Ministerio di Finansa)
Konseho di Minister a aprobá e siguiente desishonnan:
1. Ta revoká e resolushon di Konseho di Minister di 24 di sèptèmber 2025.
2. E emishon di ‘vouchernan’ na balor di Cg. 300.00 pa persona pa tur ámtenar i personal den enseñansa (‘onderwijzend personeel’).
3. Ku kada ministerio por organisá un selebrashon di fin di aña, dependiendo di e presupuesto disponibel denter di e ministerio ei.
E desishonnan aki ta tumá di akuerdo ku e konseho di e Direktor di sektor di maneho Finansiero i Presupuestario fechá 27 di òktober 2025 i e proposishon di e Minister di Finansa.
